კონფიდენციალურობის პოლიტიკა
წინამდებარე კონფიდენციალურობის პოლიტიკა განსაზღვრავს ვებგვერდ Videoservice.ge-ს მიერ მომხმარებელთა პერსონალური მონაცემებისა და ვიდეოარქივების დამუშავების, შენახვისა და დაცვის წესებსა და პირობებს.
დოკუმენტი შედგენილია „პერსონალურ მონაცემთა დაცვის შესახებ“ საქართველოს მოქმედი კანონმდებლობის შესაბამისად და წარმოადგენს ვებგვერდის „მომსახურების წესებისა და პირობების“ განუყოფელ ნაწილს.
1. ტერმინთა განმარტება
პერსონალური მონაცემი — ნებისმიერი ინფორმაცია, რომელიც უკავშირდება იდენტიფიცირებულ ან იდენტიფიცირებად ფიზიკურ პირს (სახელი, ტელეფონი, მისამართი, ასევე ვიდეოკასეტაზე აღბეჭდილი გამოსახულება და ხმა).
მონაცემთა დამუშავება — მონაცემთა მიმართ შესრულებული ნებისმიერი მოქმედება (შეგროვება, ჩაწერა, გაციფრულება, შენახვა, წაშლა ან განადგურება).
მონაცემთა სუბიექტი (მომხმარებელი) — ნებისმიერი ფიზიკური პირი, რომელიც სარგებლობს Videoservice.ge-ს ვებგვერდით ან უკვეთავს გაციფრულების მომსახურებას.
პირდაპირი მარკეტინგი — ტელეფონის, ელექტრონული ფოსტის ან სხვა სატელეკომუნიკაციო საშუალებით მომხმარებლისთვის სარეკლამო და საინფორმაციო შეთავაზებების გაგზავნა.
2. რა სახის მონაცემებს ვამუშავებთ
Videoservice.ge ამუშავებს მხოლოდ იმ მონაცემებს, რომლებიც აუცილებელია მომსახურების ჯეროვნად გასაწევად:
საიდენტიფიკაციო და საკონტაქტო მონაცემები:
სახელი და გვარი;
საკონტაქტო ტელეფონის ნომერი;
ელექტრონული ფოსტის მისამართი;
ფაქტობრივი მისამართი (საკურიერო მიწოდებისთვის).
აუდიო-ვიზუალური მასალა (ვიდეოკასეტების შინაარსი):
მომხმარებლის მიერ გადმოცემულ ვიდეოკასეტებზე (VHS, VHS-C, MiniDV და სხვ.) არსებული ვიდეო და აუდიო ჩანაწერები, რომლებიც მუშავდება მხოლოდ მათი ციფრულ ფორმატში (MP4) გადაყვანის ტექნიკური მიზნით.
ტექნიკური და ანალიტიკური მონაცემები (Cookies):
IP მისამართი, მოწყობილობის ტიპი, ბრაუზერის პარამეტრები და ვებგვერდზე ვიზიტის სტატისტიკა (რაც გამოიყენება საიტის გამართული მუშაობისთვის და არ ახდენს კონკრეტული პირის იდენტიფიცირებას).
შენიშვნა: Videoservice.ge არ აგროვებს და წვდომა არ აქვს მომხმარებლის საბანკო ბარათის მონაცემებზე. გადახდა ხორციელდება პარტნიორი საგადახდო სისტემის (Flitt) დაცულ გვერდზე.
3. მონაცემთა დამუშავების საფუძვლები და მიზნები
ჩვენ ვამუშავებთ თქვენს პერსონალურ მონაცემებს შემდეგი სამართლებრივი საფუძვლებით:
ხელშეკრულების შესრულება: მონაცემთა დამუშავება აუცილებელია თქვენ მიერ განთავსებული შეკვეთის შესასრულებლად (ვიდეოკასეტების ტრანსპორტირება, გაციფრულება და ციფრული ფაილის მოწოდება);
მომხმარებლის თანხმობა: ვებგვერდით სარგებლობისას და შეკვეთის გაფორმებისას გამოხატული ნება;
კანონისმიერი ვალდებულება: საგადასახადო და საფინანსო დოკუმენტაციის წარმოების კანონმდებლობით დადგენილი მოთხოვნები;
ლეგიტიმური ინტერესი: მომსახურების უსაფრთხოების უზრუნველყოფა და თაღლითური ქმედებების პრევენცია.
4. ვიდეომასალის კონფიდენციალურობა და შენახვის ვადა
სრული კონფიდენციალურობა: მომხმარებლის ვიდეოარქივი მკაცრად კონფიდენციალურია. ვიდეომასალის ტექნიკური დამუშავება ხორციელდება მხოლოდ გაციფრულების სტანდარტების დასაცავად. დაუშვებელია მასალის გამოყენება რაიმე სხვა მიზნით, გასაჯაროება ან მესამე პირებისთვის გადაცემა.
ფაილების შენახვისა და წაშლის ვადა:
გაციფრულებული მასალა (MP4 ვიდეოფაილები) იტვირთება დაცულ სერვერზე და მომხმარებელს ეგზავნება პირადი ჩამოსატვირთი ბმული;
ჩამოსატვირთი ბმული აქტიურია ელფოსტით გაგზავნიდან 10 (ათი) კალენდარული დღის განმავლობაში;
10 დღის გასვლის შემდეგ ვიდეოფაილები სერვერიდან იშლება სამუდამოდ და შეუქცევადად.
ტექსტური საკონტაქტო მონაცემების შენახვა: მომხმარებლის საკონტაქტო მონაცემები ინახება მხოლოდ იმ ვადით, რაც აუცილებელია მომსახურების ანგარიშგებისა და კანონმდებლობით დადგენილი საგადასახადო ვალდებულებების შესასრულებლად.
5. მონაცემთა გადაცემა მესამე პირებზე
Videoservice.ge არ ყიდის და არ ასხვისებს მომხმარებლის პერსონალურ მონაცემებს. მონაცემები გადაეცემა მხოლოდ იმ პარტნიორებს, რომელთა ჩართულობაც აუცილებელია სერვისის სრულყოფილად განსახორციელებლად:
კონტრაქტორი საკურიერო კომპანია: გადაეცემა მომხმარებლის სახელი, გვარი, ტელეფონის ნომერი და მისამართი — მხოლოდ კასეტების წამოღებისა და უკან დაბრუნების მიზნით;
საგადახდო სისტემა (Flitt / მომსახურე ბანკი): უზრუნველყოფს ტრანზაქციის უსაფრთხო დამუშავებას;
ჰოსტინგისა და ღრუბლოვანი ინფრასტრუქტურის პროვაიდერი: უზრუნველყოფს ციფრული ფაილების დაცულ, დროებით განთავსებას ჩამოტვირთვის პერიოდში;
სახელმწიფო ორგანოები: მონაცემები შეიძლება გადაეცეს მხოლოდ საქართველოს კანონმდებლობით პირდაპირ გათვალისწინებულ შემთხვევებში, უფლებამოსილი ორგანოს ოფიციალური მოთხოვნის საფუძველზე.
6. პირდაპირი მარკეტინგი
Videoservice.ge არ ახორციელებს აგრესიულ მარკეტინგულ შეტყობინებებს. მარკეტინგული ან საინფორმაციო ხასიათის შეტყობინებები (ასეთის არსებობის შემთხვევაში) მომხმარებელს ეგზავნება მხოლოდ მისი წინასწარი თანხმობით. მომხმარებელს უფლება აქვს ნებისმიერ დროს, სრულიად უფასოდ და მარტივად განაცხადოს უარი პირდაპირი მარკეტინგის მიზნით მისი მონაცემების გამოყენებაზე ელფოსტაზე ან ტელეფონზე შეტყობინების გამოგზავნით.
8. მომხმარებლის (მონაცემთა სუბიექტის) უფლებები
„პერსონალურ მონაცემთა დაცვის შესახებ“ საქართველოს კანონის თანახმად, თქვენ უფლება გაქვთ:
მიიღოთ ინფორმაცია თქვენ შესახებ დამუშავებული მონაცემების, მათი დამუშავების საფუძვლისა და მიზნის შესახებ;
გაეცნოთ მონაცემებს და მიიღოთ თქვენი პერსონალური მონაცემების ასლი;
მოითხოვოთ გასწორება, განახლება ან შევსება, თუ მონაცემები არასრულია ან უზუსტოა;
მოითხოვოთ დამუშავების შეწყვეტა, წაშლა ან განადგურება, თუ მონაცემთა დამუშავების საფუძველი აღარ არსებობს;
მოითხოვოთ მონაცემთა დამუშავების დაბლოკვა (შეზღუდვა) კანონით გათვალისწინებულ შემთხვევებში;
მოითხოვოთ მონაცემთა გადატანა (პორტირება) სტრუქტურიზებულ, საყოველთაოდ გამოყენებად ფორმატში;
გამოიხმოთ თქვენ მიერ მიცემული თანხმობა ნებისმიერ დროს
თქვენი უფლებების რეალიზაციისთვის შეგიძლიათ მოგვმართოთ ქვემოთ მითითებულ საკონტაქტო ელფოსტაზე.
9. მონაცემთა უსაფრთხოება
Videoservice.ge იყენებს თანამედროვე ტექნიკურ და ორგანიზაციულ ზომებს პერსონალური მონაცემების შემთხვევითი ან უკანონო განადგურებისგან, დაკარგვისგან, შეცვლისგან, უნებართვო გამჟღავნებისგან ან მათზე უკანონო წვდომისგან დასაცავად. ვებგვერდზე გამოყენებულია დაცული SSL კავშირი და მონაცემთა გაცვლის დაშიფრული პროტოკოლები.
10. ცვლილებები პოლიტიკაში
წინამდებარე კონფიდენციალურობის პოლიტიკა შესაძლებელია პერიოდულად განახლდეს კანონმდებლობაში ან მომსახურების პროცესში შეტანილი ცვლილებების შესაბამისად. განახლებული ვერსია ძალაში შედის ვებგვერდზე გამოქვეყნებისთანავე, რის შესახებაც მიეთითება დოკუმენტის განახლების თარიღი.